ខេត្តព្រះសីហនុ៖ នាថ្ងៃទី២០ ខែវិច្ឆិកា ២០២៥ ឯកឧត្តម អ៊ុក គឹមសេង អនុរដ្ឋលេខាធិការក្រសួងព័ត៌មាន និងជាអ្នកទទួលបន្ទុកត្រួតពិនិត្យការងារមន្ទីរព័ត៌មានខេត្តព្រះសីហនុ បានអញ្ជើញចុះពង្រឹងកាងារ និងផ្តល់ទិសដៅដល់ មន្ត្រីរាជការ នៃមន្ទីរព័ត៌មាន ក្នុងគោលបំណងពង្រឹង និងអភិវឌ្ឍប្រសិទ្ធភាពការងារព័ត៌មាននៅមូលដ្ឋានអោយកាន់តែល្អ។ ក្នុងឱកាសនោះដែរ ឯកឧត្តម អ៊ុក គឹមសេង បានធ្វើការណែនាំ និងជំរុញឲ្យមន្ត្រីទាំងអស់៖
– បន្តយកចិត្តទុកដាក់ខ្ពស់លើការផលិតព័ត៌មានដែលមានភាពត្រឹមត្រូវ ឆាប់រហ័សដល់សាធារណៈជន។
– ការប្រើប្រាស់បច្ចេកវិទ្យាឌីជីថលឲ្យបានត្រឹមត្រូវ ជាគន្លឹះដ៏សំខាន់ក្នុងការជំរុញប្រសិទ្ធភាពការងារ និងការផ្សព្វផ្សាយព័ត៌មាន។
– ប្រយុទ្ធប្រឆាំងព័ត៌មានក្លែងក្លាយ«និយាយថាទេចំពោះព័ត៌មានក្លែងក្លាយ (Fake News)»
-ឯកឧត្តម អ៊ុក គឹមសេង ក៏បានកោតសរសើរចំពោះកិច្ចខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានតាមរយៈការផ្សព្វផ្សាយព័ត៌មានប្រកបដោយការទទួលខុសត្រូវ និងជាទិសដៅសម្រាប់មន្ត្រីព័ត៌មានបន្តអភិវឌ្ឍសមត្ថភាព និងវិជ្ជាជីវៈឲ្យកាន់តែប្រសើរឡើង៕
