ក្រសួងប្រេងបាននិយាយកាលពីថ្ងៃសៅរ៍ថាក្រុមហ៊ុនចម្រាញ់ប្រេងឥណ្ឌាបានទិញប្រេងអ៊ីរ៉ង់ចំពេលមានជម្លោះនៅមជ្ឈិមបូព៌ា ដែលបានរំខានការផ្គត់ផ្គង់តាមរយៈច្រកសមុទ្រ Hormuz ។
ប្រទេសឥណ្ឌាមិនបានទទួលទំនិញពីក្រុងតេអេរ៉ង់ចាប់តាំងពីខែឧសភា ឆ្នាំ ២០១៩ មកតាមសម្ពាធអាមេរិកមិនឲ្យទិញប្រេងឆៅពីអ៊ីរ៉ង់ ប៉ុន្តែការបង្អាក់ការផ្គត់ផ្គង់ពីសង្គ្រាមអាមេរិកនិងអ៊ីស្រាអែលបានប៉ះពាល់ប្រទេសអាស៊ីខាងត្បូងយ៉ាងខ្លាំង។
ក្រសួងប្រេងបាននិយាយនៅលើបណ្តាញសង្គម X ថា “ចំពេលមានការរំខានការផ្គត់ផ្គង់នៅមជ្ឈិមបូព៌ា ក្រុមហ៊ុនចម្រាញ់ប្រេងរបស់ឥណ្ឌាបានធានានូវតម្រូវការប្រេងឆៅរបស់ពួកគេ រួមទាំងពីប្រទេសអ៊ីរ៉ង់ផងដែរ ហើយមិនមានឧបសគ្គក្នុងការទូទាត់សម្រាប់ការនាំចូលប្រេងឆៅពីអ៊ីរ៉ង់ទេ” ។
កាលពីខែមុន សហរដ្ឋអាមេរិកបានលុបចោលជាបណ្ដោះអាសន្នលើការដាក់ទណ្ឌកម្មលើប្រេង និងផលិតផលចម្រាញ់របស់អ៊ីរ៉ង់ ដើម្បីកាត់បន្ថយការខ្វះខាតការផ្គត់ផ្គង់។
ក្រសួងបានបន្ថែមថា ប្រទេសឥណ្ឌាបានធានាតម្រូវការពេញលេញនៃប្រេងឆៅសម្រាប់ខែខាងមុខ។
ឥណ្ឌាក៏បានទិញឧស្ម័នប្រេងរាវអ៊ីរ៉ង់ចំនួន ៤៤ ០០០ តោនដែលផ្ទុកលើកប៉ាល់ដែលត្រូវបានដាក់ទណ្ឌកម្ម។ ក្រសួងបាននិយាយថា កប៉ាល់ដែលចូលចតនៅកំពង់ផែ Mangalore ភាគខាងលិចកាលពីថ្ងៃពុធ កំពុងបញ្ចេញប្រេងឥន្ធនៈ៕
